Surxondaryo viloyati hokimi Ulug‘bek Qosimov boshchiligida kuzgi obodonlashtirish, ko‘kalamzorlashtirish va kuz-qish mavsumiga tayyorgarlik masalalariga bag‘ishlangan onlayn o‘quv-amaliy mashg‘ulot o‘tkazildi.
Tadbirda Boysun tumani hokimi Bahodir Shukurov hamda tuman tashkilot va muassasalari rahbarlari faol ishtirok etishdi. Seminar davomida mahallalar, ko‘cha va jamoat joylarini tozalash, yashil maydonlarni tartibga keltirish va yo‘l bo‘ylarini begona o‘tlardan tozalash bo‘yicha aniq topshiriqlar belgilandi.
Tumanda bu kabi hashar va obodonlashtirish tadbirlari yil davomida davom ettirilib, aholining keng ishtiroki orqali hududlarni yanada go‘zal va ozoda maskanga aylantirishga alohida e’tibor qaratilmoqda.
