Termiz shahri 1-son umumta’lim maktabida “Insonning huquq va erkinliklarini ta’minlash – davlatning oliy maqsadidir” mavzusida navbatdagi “Ombudsman maktabi” tadbiri bo‘lib o‘tdi.
Tadbir O‘zbekiston Respublikasi Oliy Majlisi Senatining 2025-yil 19-martdagi qarorida belgilangan vazifalar ijrosi doirasida tashkil etilib, aholining huquqiy ongi va madaniyatini oshirish, inson huquq va erkinliklarini ta’minlash yo‘nalishidagi islohotlarning mohiyatini keng jamoatchilikka yetkazishga qaratildi.
Unda huquqni muhofaza qiluvchi organlar, mahalla faollari, Xotin-qizlar bo‘limi va nodavlat tashkilotlar vakillari ishtirok etishdi. Ma’ruzachilar kiberjinoyatchilik, mehnat munosabatlari va mehnat migratsiyasi masalalarida muhim huquqiy tushunchalar berib o‘tishdi.
Tadbir yakunida ishtirokchilar o‘z savollariga javob olib, mutaxassislar tomonidan amaliy tavsiyalar berildi. Bunday uchrashuvlar fuqarolarning huquqiy madaniyatini yuksaltirish va ularning o‘z huquq hamda manfaatlarini himoya qilishga bo‘lgan ishonchini mustahkamlashga xizmat qilmoqda.
