Termiz shahrida O‘zbekiston Ekologik partiyasi Surxondaryo viloyat kengashi hamda viloyat sport boshqarmasi hamkorligida o‘tkazilgan velo va yugurish marafoni sog‘lom turmush tarzini targ‘ib qilishda muhim ahamiyat kasb etdi. Ushbu tadbir nafaqat sportni rivojlantirish, balki aholining ekologik madaniyatini oshirish, yoshlarda jismoniy faollik va sog‘lom raqobat ruhini shakllantirishga xizmat qildi.
Musobaqada Jarqo‘rg‘on tuman sport maktabining iqtidorli sportchi qizlari ham faol ishtirok etishdi. Ular orasida Shaxlo Xolmurodova o‘zining mahorati va matonati bilan ajralib chiqib, faxrli 1-o‘rinni qo‘lga kiritdi.
Bunday marafonlar jamiyatda sog‘lom turmush tarzini ommalashtirish, ekologik tozalik va faol hayotga bo‘lgan qiziqishni kuchaytirishda muhim o‘rin tutadi. Zero, sog‘lom avlod – yurt kelajagi, sog‘lom hayot esa farovon jamiyat garovidir.
