Sariosiyo tumanida joylashgan “Yuqori To‘palang” milliy tabiat bog‘i faoliyati O‘zbekiston Respublikasining ekologiya va tabiatni muhofaza qilishga oid qonunlari ijrosi bo‘yicha o‘rganildi. O‘rganish 2025-yil 22–27-oktabr kunlari Ekologiya, atrof-muhitni muhofaza qilish va iqlim o‘zgarishi vazirligi buyrug‘iga asosan o‘tkazildi.
Natijalarga ko‘ra, tabiat bog‘i faoliyati amaldagi qonunchilik talablariga to‘liq muvofiq ekani, hududda ekologik nazorat va muhofaza ishlari belgilangan tartibda olib borilayotgani tasdiqlandi.
“Yuqori To‘palang” milliy tabiat bog‘i 27 ming 851 gektar maydonda joylashgan bo‘lib, unda qo‘riqlanma, rekreatsiya va xo‘jalik zonalari mavjud. Hududda ilmiy tadqiqot, ekologik va turizm faoliyati yo‘lga qo‘yilgan.
