Aholiga tibbiy xizmat ko‘rsatish sifatini oshirish hamda chekka hududlarda zamonaviy sharoitlar yaratish maqsadida Qumqo‘rg‘on tumanida yangi gemodializ bo‘limi ishga tushirildi.
Bo‘lim zamonaviy 3 ta gemodializ apparati bilan jihozlangan bo‘lib, muolajalar viloyat ko‘p tarmoqli tibbiyot markazi shifokorlari nazorati ostida o‘tkaziladi. Bu esa tumanda gemodializga muhtoj bo‘lgan 20 nafar bemorning sog‘ligini yaxshilashga xizmat qiladi.
Tumanda gemodializ bo‘limi faoliyatining yo‘lga qo‘yilishi — tibbiy xizmatlar sifatini oshirish va aholi salomatligini muhofaza qilish yo‘lidagi yana bir muhim qadamdir.
