Jarqo‘rg‘on tumaniga xos milliy taom — “Jarqo‘rg‘on tandir go‘shti” geografik ko‘rsatkich sifatida davlat ro‘yxatidan o‘tkazildi.
Bu — Surxondaryoning betakror ta’mi va qadimiy pazandalik an’analarini huquqiy himoya ostiga olish, uni milliy gastronomik brend sifatida e’tirof etish yo‘lidagi muhim qadamdir.
Taom hududning issiq va quruq iqlimi, yaylovda boqilgan hisori qo‘zilari go‘shti, shuningdek, archa shohlari bilan tandirda pishirish texnologiyasi bilan ajralib turadi. “Jarqo‘rg‘on tandir go‘shti” odatda 1,5–2 soat davomida +400 °C atrofida qizdirilgan yer tandirda bug‘ va issiqlikda pishiriladi.
