Maktabgacha va maktab taʼlimi vaziri Eʼzoza Karimova Termiz davlat pedagogika institutida boʻldi. Vazir institut faoliyati, loyihalar hamda amalga oshirilayotgan ishlar bilan tanishdi.
Vazir va mas’ullar “Qalqon” jamoatchilik guruhi ishtirokida munosib kutib olindi. Jadidlar aliyasida “Talabalar teatr studyasi” tomonidan sahnalashtirilgan jadidlar chiqishlar tashrifga o’zgacha ko’rk berdi.
Keyingi manzildagi “Innodays” ilm-fan va innovatsiyalar ko‘rgazmasidagi talabalarning yangi loyihalar,ilmiy izlanishlari vazir eʼtiborini tortdi.
Shuningdek, E.Karimova bir guruh iqtidorli, faol talabalar bilan uchrashib, yoshlarning taklif va loyihalarini tingladi.
Ushbu tashrif institut jamoasi va talabalarni yangi yutuqlar sari ruhlantiradi. Qolaversa, ta’lim sifatini oshirish, yoshlarning tashabbuslarini qo‘llab-quvvatlash yo‘lida muhim qadamlardan biri bo‘ldi, deyishimiz mumkin.
