O‘zbekiston Respublikasining 2020-yil 13-martdagi “O‘zbekiston Respublikasi fuqaroligi to‘g‘risida”gi Qonuni (610-son) talablariga muvofiq, 15 yildan ortiq vaqt davomida mamlakatimizda doimiy ro‘yxatda bo‘lib yashab kelgan bir guruh fuqaroligi bo‘lmagan shaxslar O‘zbekiston Respublikasi fuqaroligiga qabul qilindi.
Shu munosabat bilan Qiziriq tumani Ichki ishlar bo‘limida tantanali tadbir tashkil etildi. Tadbir davomida O‘zbekiston Respublikasi fuqaroligi pasportlari Qiziriq tumani IIB boshlig‘i S.F. Nazirov tomonidan yangi fuqarolarga tantanali ravishda topshirildi.
Mazkur tadbir inson huquqlarini ta’minlash, fuqarolik maqomini belgilash va aholining huquqiy himoyasini mustahkamlash yo‘lidagi islohotlarning amaliy ifodasidir.
