2026-yil 1-yanvardan boshlab mamlakatimizda qurilayotgan barcha turar-joy majmualari va binolarga qo‘yiladigan nomlar davlat tilida, ya’ni o‘zbek tilida yozilishi shart bo‘ladi.
Bu tartib O‘zbekiston Respublikasi Hukumatining yangi qarorida belgilab qo‘yildi. Qarorga muvofiq, qurilish obyektlari loyihalari, bino pasportlari, peshlavhalar, qurilish maydonlari atrofidagi vaqtinchalik devor va to‘siqlardagi barcha yozuvlar, shuningdek reklama va e’lonlar matnlari ham davlat tili qoidalari va talablariga muvofiq bo‘lishi lozim. Mazkur qaror mamlakatda davlat tilining nufuzi va qo‘llanish doirasini kengaytirish, shuningdek shaharsozlik madaniyatida yagona til meyorlarini shakllantirishga xizmat qiladi.
