Surxondaryo viloyatidagi maktabgacha ta’lim tashkilotlarida bolalarni erta yoshdan mehnatsevarlik va ijodkorlik ruhida tarbiyalash, shuningdek, kasb-hunarga bo‘lgan qiziqishlarini rivojlantirishga alohida e’tibor qaratilmoqda.
Hududdagi ko‘plab bog‘chalarda tashkil etilgan hunarmandchilik to‘garaklari orqali bolalar kashtachilik, gilam to‘qish, kulolchilik, yog‘och va loy o‘ymakorligi hamda milliy bezak san’ati kabi yo‘nalishlarda amaliy ko‘nikmalarni o‘zlashtirmoqda. Mazkur mashg‘ulotlarda tajribali ustalar, ota-onalar va mahalla faollari ishtirok etishi esa jarayonni yanada mazmunli va hayotiy saboqqa aylantirmoqda. Bunday faoliyat nafaqat bolalarning qo‘l harakatlarini, balki tafakkurini, diqqatini va ijodiy fikrlashini rivojlantirishga ham xizmat qilmoqda.
