O‘zbekistonda ilk bor “O‘zbek tilidagi sport atamalarining izohli lug‘ati” nashr etildi.
Lug‘at Sport vazirligi, Fanlar akademiyasi O‘zbek tili, adabiyoti va folklori instituti hamda Jurnalistika va ommaviy kommunikatsiyalar universiteti hamkorligida tayyorlangan bo‘lib, unga filologiya va sport sohasining yetakchi mutaxassislari jalb etilgan.
Nashrda O‘zbekistonda keng tarqalgan 20 dan ortiq sport turi — futbol, boks, shaxmat, taekvondo, karate, gimnastika, qilichbozlik va boshqa yo‘nalishlarga oid minglab atamalar ilmiy asosda izohlangan.
Mutaxassislarning ta’kidlashicha, bu — o‘zbek tilida sport atamalarini tizimlashtirgan va ilmiy asosda izohlagan birinchi mukammal nashr hisoblanadi. Lug‘atning bosma va raqamli versiyalari tayyorlangan bo‘lib, foydalanuvchilar [www.sportatamalari.uz](http://www.sportatamalari.uz) sayti hamda “Sport atamalari” mobil ilovasi orqali undan foydalanishlari mumkin.
