O‘zbekistonda telefon firibgarligiga qarshi kurashish maqsadida “anti-spoofing” tizimi joriy etildi. Ushbu texnologiya Raqamli texnologiyalar vazirligi tashabbusi bilan ishga tushirilgan bo‘lib, soxta raqamlardan amalga oshirilgan qo‘ng‘iroqlarni avtomatik tarzda aniqlab, bloklaydi.
Tizim xalqaro qo‘ng‘iroq aslida O‘zbekiston raqamidan yashirilganini aniqlasa, bunday qo‘ng‘iroqni to‘xtatadi. Shu tariqa, xorijdan o‘zini mahalliy abonent sifatida ko‘rsatgan firibgarlarning xatti-harakatlari fosh etiladi. Himoya tizimi barcha foydalanuvchilar uchun avtomatik va bepul tarzda faollashtirilgan.
Yangi tizim joriy etilgach, xorijdan soxta raqamlarda amalga oshirilayotgan minglab qo‘ng‘iroqlar abonentlargacha yetib bormayotgani aniqlangan.
