Prezident topshiriqlaridan kelib chiqib, Denov tumanida mahalla va oilaviy qadriyatlarni mustahkamlashga qaratilgan uchrashuv tashkil etildi. Unda Surxondaryo viloyati hokimi o‘rinbosari Zulxumor Xidirova boshchiligida mahalla faollari, nuroniylar, ta’lim sohasi vakillari va yoshlar ishtirok etdi.
Tadbirda ajrimlarning oldini olish, sog‘lom oilaviy muhitni shakllantirish, yoshlarni milliy qadriyatlarga hurmat ruhida tarbiyalash kabi masalalar muhokama qilindi. Nikoh shartnomasining ahamiyati va tarbiyadagi hamkorlik zarurligi alohida ta’kidlandi.
Uchrashuv mahalla tizimi islohotlarini jadallashtirish, oila institutini mustahkamlash va ijtimoiy muhitni sog‘lomlashtirishga xizmat qilishi bilan ahamiyatli bo‘ldi.
