Termiz davlat pedagogika instituti talabalari bo‘sh vaqtini mazmunli o‘tkazish maqsadida birgalikda osh tayyorlashdi. Jarayon davomida yigit-qizlar jamoaviylik, do‘stlik va o‘zaro hurmat muhitida ishtirok etib, nafaqat mazali taom tayyorlashdi, balki bir-birlariga mehr va hamjihatlik ruhini ulashishdi.
Mazkur faoliyat tyutor Samandar Abilov rahbarligida amalga oshirilib, talabalarning ijodkorlik va hamkorlik ko‘nikmalarini yanada mustahkamlashga xizmat qildi. Bunday tashabbuslar yoshlarning ijobiy kayfiyatini oshirish, jamoada ishlash madaniyatini shakllantirish hamda o‘qishdan tashqari faoliyatni boyitishda muhim ahamiyat kasb etadi.
