Italiyaning Rimini shahrida bo‘lib o‘tgan “TTG Rimini” xalqaro turizm ko‘rgazmasida Surxondaryo viloyati delegatsiyasi milliy stendi bilan ishtirok etdi.
Ko‘rgazmada viloyatning tarixiy yodgorliklari, sayyohlik yo‘nalishlari, tabiati, urf-odatlari va investitsion imkoniyatlari xalqaro ishtirokchilarga keng tanishtirildi. Surxondaryoning turizm salohiyati O‘zbekistonga ajratilgan maxsus pavilon orqali taqdim etildi.
Tadbir doirasida Italiya va boshqa davlatlarning yirik turoperatorlari bilan uchrashuvlar o‘tkazilib, 20 ga yaqin hamkorlik shartnomalari va memorandumlar imzolandi.
Surxondaryo delegatsiyasining ishtiroki xalqaro maydonda viloyatning turizm imkoniyatlarini targ‘ib etish va xorijiy sayyohlarni jalb etishga muhim hissa bo‘lib xizmat qildi.
