2025-yil 30-sentyabrda Hukumatning tegishli qarori bilan oliy va kasbiy ta’lim muassasalari bitiruvchilarining amaliyot o‘tashi va ularni ishga joylashtirish tizimini raqamlashtirish tartibi belgilandi.
Endilikda:
Ta’lim muassasalari har yili 1-oktabrgacha “Yagona milliy mehnat tizimi” (IDAK) platformasi orqali bitiruvchilar amaliyot o‘tashi uchun korxonalarga so‘rov yuboradi;
Amaliyot bo‘yicha shartnomalar boshlanishidan kamida 3 hafta oldin platformada rasmiylashtiriladi;
Bitiruvchilar haqidagi ma’lumotlar davlat attestatsiyasi yakuniga ko‘ra platformaga kiritiladi;
Korxonalar esa har oyning 25-sanasigacha vakant lavozimlar va zarur kadrlar haqidagi ma’lumotlarni tizimga joylab boradi.
Yangi tartib natijasida bitiruvchilar amaliyot o‘tashi va ishga joylashishi jarayonlari aniq va shaffof bo‘ladi. Ishga qabul qilingan bitiruvchilar mehnat shartnomasi ro‘yxatdan o‘tkazilgach, platformada avtomatik tarzda “bandligi ta’minlangan” sifatida qayd etiladi.
Bu qaror yoshlarning mehnat bozoriga integratsiyasini osonlashtirish, korxonalar uchun zarur kadrlarni tezroq topish va ta’lim muassasalari bilan ishlab chiqarish o‘rtasidagi hamkorlikni mustahkamlashga xizmat qiladi.
