Termiz davlat muhandislik va agrotexnologiyalar universitetida yoshlar hayotida katta ahamiyatga ega voqea bo‘lib o‘tdi — “TalabaExpo-2025” kasb ko‘rgazmasi o‘z faoliyatini boshladi.
Tadbirda Oliy ta’lim, fan va innovatsiyalar vazirligi vakillari, yirik kompaniyalar rahbarlari hamda tajribali mutaxassislar ishtirok etib, talabalarga kasbiy yo‘nalish borasida qimmatli maslahatlar berishdi va motivatsion nutqlari bilan ilhomlantirishdi.
Ko‘rgazmada vohaning barcha oliy ta’lim muassasalari talabalarining faol ishtiroki kuzatildi. Xususan, Termiz davlat pedagogika instituti talabalari o‘z innovatsion startap loyihalari bilan ishtirokchilarda katta qiziqish uyg‘otdi.
“TalabaExpo-2025” nafaqat kasbiy imkoniyatlar maydoni, balki yoshlarning orzulari va intilishlarini amalga oshirish sari dadil qadam bo‘lib xizmat qildi.
