O‘zbekistonda tadbirkorlikni qo‘llab-quvvatlash va moliyaviy imkoniyatlarini kengaytirish maqsadida Prezidentning 2025-yil 26-sentabrdagi PF–176-sonli farmoni qabul qilindi.
Hujjatga ko‘ra, 2026–2027 yillarda “Tadbirkorlikni rivojlantirish kompaniyasi” orqali 4 trillion so‘mlik moliyaviy ko‘mak ajratilib, 5 mingdan ortiq loyiha amalga oshiriladi. 2025-yil 1-noyabrdan boshlab ishlab chiqarish va xizmat ko‘rsatish sohasidagi “chempion” loyihalarga 10 milliard so‘mgacha mablag‘ ajratiladi. “Yashil iqtisodiyot” va xizmat ko‘rsatish yo‘nalishidagi mikroloyihalar esa 500 mln so‘mgacha imtiyozli kredit bilan moliyalashtiriladi.
Shuningdek, 2026-yildan boshlab olis hududlardagi kichik va o‘rta biznes subyektlariga alohida imtiyozlar beriladi. Xususan, kambag‘al oilalardan ishchi yollagan tadbirkorlar uchun kreditlar bo‘yicha kompensatsiya stavkasi 2–6% gacha oshiriladi.
