Ana shunday ezgu g‘oyani o‘zida mujassam etgan navbatdagi ma’naviy-ma’rifiy tadbir Termiz shahridagi harbiy qismlardan birida tashkil etildi. Unda Termiz davlat universiteti talaba-yoshlari va harbiy xizmatchilar ishtirok etib, “Jaholatga qarshi – ma’rifat” mavzusida samimiy muloqot o‘tkazildi.
Tadbir davomida ishtirokchilarga masʼullar tomonidan jadidchilik harakati namoyandalari hayoti va ularning boy ma’naviy merosi haqida qimmatli ma’lumotlar taqdim etildi. Ularning xalqni ilm-ma’rifatga, taraqqiyotga chorlagan fidokorona faoliyati bugungi kun yoshlar uchun ham ibrat maktabi sifatida alohida ahamiyatga ega ekanligi taʼkidlandi. Mazkur uchrashuv nafaqat bilim va ma’naviyat darsiga, balki armiya va xalq o‘rtasidagi mustahkam birlik timsoliga aylandi.
