O‘zbekiston Vazirlar Mahkamasining 2025-yil 16-sentyabrdagi qaroriga binoan, 2026–2030-yillar “Dolzarb oziq-ovqat xavfsizligi davri” deb e’lon qilindi.
Ushbu davr mobaynida oziq-ovqat chiqindilarini kamaytirish, ularni qayta ishlash va organik o‘g‘it sifatida qishloq xo‘jaligida qo‘llash yo‘lga qo‘yiladi. Shuningdek, umumiy ovqatlanish korxonalarida chiqindilarni ajratish uskunalari majburiy tarzda o‘rnatiladi.
“Oqilona iste’mol” dasturi doirasida to‘y va marosimlarni nazorat qilish, muddati o‘tgan mahsulotlarga chegirma joriy etish, logistika va saqlash tizimini takomillashtirish choralari ham ko‘riladi.
Qaror oziq-ovqat xavfsizligi bilan birga, ekologik barqarorlikni ta’minlashga ham xizmat qiladi.
