Termiz garnizonida joylashgan harbiy qismda “Yangi O‘zbekistonning xalqaro maydondagi davlatlararo hamkorligi – xalqimizning farovon hayotining asosidir!” mavzusida ma’naviy-ma’rifiy kecha bo‘lib o‘tdi.
Tadbir O‘zbekiston Yoshlar ittifoqi, Yozuvchilar uyushmasi, Ma’naviyat va ma’rifat markazi Surxondaryo viloyati bo‘limi hamda oliy ta’lim muassasalari hamkorligida tashkil etildi. Unda ishtirok etgan ma’ruzachilar Yangi O‘zbekistonning xalqaro maydondagi mavqeyi, amalga oshirilayotgan islohotlar, erishilayotgan yutuqlar hamda mamlakatimizning jahon hamjamiyatidagi o‘rni haqida atroflicha ma’lumotlar berdilar.
Tadbir davomida yoshlar va harbiy xizmatchilar ongida vatanparvarlik, fidoyilik va fuqarolik mas’uliyatini yanada mustahkamlashga alohida e’tibor qaratildi. Oliy ta’lim muassasalari talabalari tomonidan sahna ko‘rinishlari namoyish etildi. Ular orqali tarixiy voqealar, vatan himoyasi va milliy qadriyatlar kabi muhim mavzular yoritildi.
Yakunda mehmonlar va yoshlar harbiy qismdagi zamonaviy qurol-aslahalar, harbiy xizmatchilarning kundalik turmush tarzi hamda ular uchun yaratilgan shart-sharoitlar bilan yaqindan tanishdilar.
