Yaqinda S. Tursunov, O. Soatov, E. Mardonov va A. Toʻxtayevlarning hammuallifligida tayyorlangan “Angor tumani tarixi” nomli kitob nashrdan chiqdi. Mazkur asarda Surxondaryo viloyatining qadimiy tumanlaridan biri bo‘lgan Angor tumanining uzoq o‘tmishi, ijtimoiy-iqtisodiy rivojlanishi, madaniyati, mehnatkash aholisi va ularning tarixiy merosi batafsil yoritib berilgan.
Kitobda tumanning shakllanish jarayoni, tarixiy obidalar, mashhur shaxslar, mahalliy an’analar hamda mustaqillik yillarida erishilgan yutuqlar haqida keng ma’lumotlar jamlangan. Mualliflar ilmiy manbalar, arxiv hujjatlari hamda mahalliy aholining og‘zaki tarixiy rivoyatlariga tayanib, boy mazmunga ega asar yaratishga muvaffaq bo‘lganlar.
“Angor tumani tarixi” kitobi tarixshunoslar, o‘qituvchilar, talabalar, shuningdek, o‘z ona yurti tarixiga qiziqadigan keng kitobxonlar ommasi uchun mo‘ljallangan muhim manba hisoblanadi.
