2026-yil 1-yanvardan boshlab oltitagacha harf va (yoki) raqamlar kombinatsiyasidan iborat boʻlgan «noyob» davlat raqami belgilarini kimoshdi elektron savdolari orqali sotish boshlanadi.
Sun’iy idrok yordamida qayta ishlangan surat2026-yil 1-yanvardan boshlab «Uzavtomotobelgi» davlat unitar korxonasiga avtomototransport vositalari uchun oltitagacha harf va (yoki) raqamlar kombinatsiyasidan iborat boʻlgan «noyob» davlat raqami belgilarini ochiq kimoshdi elektron savdolarini oʻtkazib orqali berish huquqi berildi. Bunda «noyob» davlat raqami belgilari amaldagi davlat raqami belgilarini takrorlamasligi, qonunchilikka va axloqiy normalarga xilof ma’noga ega boʻlmasligi kerak.
Masalan, endi koʻchalarda «SARVAR», «AZIZA», «ODIL» yoki «BUXORO» deb yozilgan raqamli mashinalarni koʻrishimiz mumkin.
