Belarus Respublikasining Vitebsk shahrida “O‘zbekiston – Belarus: hamkorlik barqaror rivojlanish omili sifatida” mavzusida O‘zbekiston va Belarus tadbirkor ayollarining uchinchi biznes-forumi bo‘lib o‘tdi. Forum doirasida Termiz shahar hokimi Sharofiddin Lolayev ham qator ikki tomonlama uchrashuvlar o‘tkazdi.
Uchrashuvlarda Termiz shahri va Vitebsk viloyatining Polotsk tumani o‘rtasida o‘zaro hamkorlikni rivojlantirish, yangi tashabbuslarni amalga oshirish masalalari muhokama qilindi.Yakunda ikki hudud o‘rtasida do‘stona aloqalar va hamkorlikni kengaytirish to‘g‘risida kelishuv imzolandi.
