Yoshlarning boʻsh vaqtini mazmunli tashkil etish boʻyicha “Dolzarb 90 kunlik” tadbirlari davom etmoqda. Viloyat musiqali drama teatrida ayni tadbirlar doirasida davlat mukofotlari sovrindori Chingiz Aytmatov asari asosida rejissor Farxod Boltayev, rassom Xayrulla Chorshanbiyevlar tomonidan sahnalashtirilgan “Momo yer” spektakli Orif Omonov rahbarligidagi “Surxon” futbol klubi tarbiyalanuvchilariga namoyish etildi.
Ikkinchi jahon urushining mudhish oqibatlarini namoyon etuvchi spektakl, bugungi dorilomon kunlarni qadrlash, vatanni ulug‘lash va uning shon-shuhrati, nufuzini oshirish, tinchlikni qadrlash maʼnosida tomoshabinlarda katta taassurot qoldirdi. Inson qay sohada oʻqib oʻrganib, faoliyat yuritishidan qatʼiy nazar spektakllar tomosha qilishi, maʼnaviy ozuqa olib turishi zaruratdir.
