Surxondaryo viloyati hokimi Ulug‘bek Qosimov qurilish sohasidagi loyihalar ijrosini o‘rganishdan avval yangi boshqaruv tizimi asosida ishlarni tashkil etish bo‘yicha taqdimot bilan tanishdi. Unda mahalliy hokimliklar faoliyati samaradorligini oshirish, aholining muammolariga manzilli va tizimli yechim topishni ta’minlaydigan boshqaruv modelini joriy etish vazifalari belgilandi.
Shundan so‘ng, viloyat rahbari Ijtimoiy himoya milliy agentligi viloyat boshqarmasi uchun qurilgan yangi binoda amalga oshirilayotgan jihozlash ishlari hamda “Yoshlar texnoparki” qurilishi bilan tanishdi. Boshqarma binosini bir hafta muddatda foydalanishga topshirish, texnoparkdagi qurilish ishlarining sifatini tekshirish va mavjud kamchiliklarni bartaraf etish vazifalari yuklatildi.
