Yozgi ta’tilda kutubxonada

“Dolzarb 90 kun” loyihasi doirasida Termiz shahridagi umumta’lim maktablari oʻquvchilarini viloyat bolalar kutubxonasida yaratilgan shart-sharoitlar va imkoniyatlar bilan yaqindan tanishtirish hamda kutubxonadan keng foydalanish maqsadida ekskursiya tashkil etildi.
Termiz shahridagi 6-umumta’lim maktab oʻquvchilari kutubxonaga tashrif buyurdilar. “Yur, birgalikda hikoyalar olamiga sayohat qilamiz!” shiori ostida oʻtgan ekskursiya davomida kichik adabiy tadbir ham o‘tkazildi.
Oʻquvchilar navbat bilan sevimli shoirlarning she’rlarini yoddan aytishdi. Kutubxona fondi, undagi badiiy va ilmiy kitoblar, oʻzbek va jahon adabiyoti xazinasidan saralab olingan asarlar bilan tanishtirildi hamda kompyuter xizmatlaridan foydalanish tartibi haqida tushunchalar berildi.