Azal-azaldan xalqimiz orasida mehr-oqibat va sahovatpeshalik an’analari davom etib kelmoqda. Qurbon hayiti bayrami munosabati bilan aholiga qulaylik yaratish, zaruriy oziq-ovqat mahsulotlarini arzon va sifatli narxlarda taqdim etish maqsadida Angor dehqon (oziq-ovqat) bozorida yarmarka tashkil etilgan.
Ushbu yarmarkada go‘sht, un, yog‘, shakar, sabzavot va mevalar kabi kundalik ehtiyoj uchun zarur bo‘lgan mahsulotlar xaridorlarga taklif etilmoqda. Mazkur yarmarkada tuman hokimi Qosim Mardonov ishtirok etib, savdo jarayonlari bilan yaqindan tanishdi. Fermerlar va xaridorlar bilan suhbatda bo‘lib, tadbirning tashkil etilishidagi asosiy maqsad bayram kunlari aholiga yanada katta qulayliklar yaratish ekanligi haqida so‘z yuritdi.
Dinara Qo‘zimurotova
