Sariosiyo tumanida aholini tibbiy xizmatlarga bo‘lgan ehtiyojini qondirish maqsadida tizimi ishlar olib borilmoqda. Xususan, “Shirin” mahallasida joylashgan 10 383 nafar aholiga xizmat ko‘rsatuvchi 64-son (G‘ayrat) oilaviy poliklinikasi yangitdan qurilib, foydalanishga topshirildi.
Ochilish marosimida, tuman hokimi Abduqodir Donayev, davlat va jamoat tashkilotlari vakillari, faollar va nuroniylar hamda tibbiyot sohasi xodimlari ishtirok etdi. Prezidentimiz topshiriqlari asosida hududlarda aholi uchun munosib turmush sharoitlarini yaratish, mahallalar infratuzilmasini yaxshilash bo‘yicha keng ko‘lamli ishlar amalga oshirilmoqda.
Shuningdek, tumandagi “Boysunobod” mahallasida joylashgan 5 317 nafar aholiga xizmat ko‘rsatuvchi Chinor oilaviy shifokorlik punkti ham yangitdan qurilib, foydalanishga topshirildi. Tibbiy xizmat sifatini oshirish, “Elektron poliklinika” tizimini samarali joriy etish maqsadida planshet va kompyuter jamlanmalari taqdim etildi.
