Qurbon hayiti munosabati bilan yurtimizda mehr-oqibat, saxovat kabi ezgu qadriyatlar keng targ‘ib etilmoqda. Ushbu xayrli kunlar arafasida Termiz iqtisodiyot va servis universitetining bir guruh professor-o‘qituvchilari tomonidan ezgu tashabbus amalga oshirildi.
Tashabbuskor ustozlar Termiz shahridagi “Baynalminal” mahallasida istiqomat qiluvchi ehtiyojmand oilalar holidan xabar olib, ularga moddiy va ma’naviy yordam ko‘rsatdi. Tashrif chog‘ida oila a’zolari bilan dildan suhbatlashilib, ularga bayram munosabati bilan oziq-ovqat mahsulotlari, gigiyena vositalari topshirildi. Bu kabi xayrli ishlar nafaqat ijtimoiy birdamlikni mustahkamlashga, balki yoshlarda mehr-oqibat, insonparvarlik va ijtimoiy mas’uliyat tuyg‘ularini rivojlantirishga ham xizmat qiladi.
