Har yili erta bahordan boshlab mamlakatimiz bozorlarini turli sabzavot va poliz mahsulotlari bilan ta’minlab kelayotgan voha dehqonlari joriy yilda ham faoliyatini samarali tashkil etishga erishmoqda.
Xususan, Sherobod tumanining “Nurtepa” mahallasida joylashgan “Yormat Botirov” MCHJ tomonidan 8 gektar maydonda, anorzor qatorlariga ekilgan “Dakara” navli qovunlar pishib, yig‘im-terimga tayyor bo‘ldi. Joriy yilning 2-mart kuni qadalgan urug‘lardan bugungi kunga kelib 7–8 tonna atrofida hosil olinmoqda.
Ayni paytda pishib yetilgan qovunlar mahalliy bozorga chiqarilmoqda va bir vaqtning o‘zida eksport jarayonlari ham boshlab yuborilgan.
