Bugungi kunda yurtimizda aholi murojaatlari bilan samarali va tizimli ishlash tizimi shakllantirilgan.
Surxondaryo viloyati hokimi Ulug‘bek Qosimov ham doimiy tarzda aholi murojaat va muammolariga quloq tutib, ularning ijrosiga ham qiziqadi. Navbatdagi onlayn fuqarolar qabulida ham hududiy studiyalar orqali 138 nafar fuqaroning 152 ta turli masaladagi murojaati tinglandi. Shulardan 18 tasi qabul davomida ijobiy hal etildi. Qolgan 134 ta murojaat esa qo‘shimcha o‘rganish va hal etish uchun tegishli mas’ullarga yuborildi.
Viloyat hokimi har bir murojaat ortida inson taqdiri turganini ta’kidlab, kelib tushgan masalalar to‘liq yechim topmagunicha nazoratda saqlanishini, aholi muammolariga befarq bo‘lgan rahbar va mas’ullarga nisbatan qat’iy choralar ko‘rilishini ma’lum qildi.
