Mahorati yuksak marralarga eltadi

Sport ko‘plab iqtidorlarni yuzaga chiqarib, ularning o‘z yo‘llarini topishiga, yuqori marralarni zabt etishiga kuch va ilhom bag‘ishlayapti. Buni erishilgan natijalarning o‘zi isbotlab turibdi. Samarqand viloyatida sportning muaytay turi bo‘yicha o‘tkazilgan O‘zbekiston chempionati musobaqasi esa fikrlarimizning yorqin misoli bo‘la oladi.
Musobaqada muaytay sport turini yaxshi o‘zlashtirib, jangda raqibi bilan muvaffaqiyatli jang olib bora oladigan sportchilar jam bo‘ldi. Musobaqa davomida har bir bosqich, har bir jangni kuzatish tomoshabinlar uchun zavqli kechdi. Har bir muaytaychi bor mahoratini ishga solib, g‘oliblik uchun kurashdi.
Ana shunday murosasiz janglarda Oltinsoy tumani sport maktabi sportchilari Orzugul Fayzullayeva 67 kilogramm vaznda 2-, Sabina Sheraliyeva esa 48 kilogramm vazn toifasida 3-o‘rinni egalladi.