Navro‘zi olamni baland ruh va katta shodiyona bilan nishonlash azal-azaldan el-yurtimiz uchun go‘zal an’ana hisoblanadi. Ana shunday an’analarga muvofiq Angor tumanidagi markaziy o‘yingohda Navro‘z umumxalq bayramiga bag‘ishlangan tantanalar boshlandi. “Qadriyatlaring boqiy bo‘lsin, Navro‘z!” shiori ostida o‘tkazilayotgan bayram tadbirlari ko‘tarinki kayfiyatda davom etmoqda.
Tadbir avvalida tuman hokimi Qosim Mardonov so‘zga chiqib, mamlakatimizda barcha sohalarda amalga oshirilayotgan keng ko‘lamdagi tub islohotlar tumanda ham o‘zining yorqin samaralarini berayotganini, amalga oshirilgan bunyodkorlik ishlarida ham yaqqol ko‘rinib turganini ta’kidlab, butun tuman ahlini bayram bilan samimiy tabrikladi.
Bayram dasturi doirasida milliy urf-odat va an’analarni aks ettiruvchi turli madaniy tadbirlar, sport musobaqalari, milliy taomlar va kiyimlar ko‘rgazmalari tashkil etilgan.
