Ba’zida inson qilar ishni qilib qo‘yib, oqibatini keyin o‘ylaydi. Bundan keyin kech bo‘lishini bilganida edi, balki qing‘ir ishlarga qo‘l urmasmidi. Hechdan ko‘ra kech deganlaridek, pushaymonlik tuyg‘usi kech bo‘lsa-da insonni to‘g‘ri yo‘lga solsa, qaytib xato qilishdan asrasa, nur ustiga.
Jinoyat ishlari bo‘yicha Sho‘rchi tuman sudi tomonidan o‘tkazilgan sayyor sudda ham ayni jihatlarga e’tibor qaratildi. Sayyor sudda ko‘pchilikning fikri, maslahat va tavsiyasi esa xulosa chiqarishda maktab vazifasini o‘tashi aniq.
Tuman IIB JXX Probatsiya guruhi hisobidagi tuzalish yo‘liga qat’iy o‘tgan, qilmishidan chin ko‘ngildan pushaymon bo‘lgan 5 nafar shaxslar jazodan muddatidan oldin shartli ravishda ozod qilindi, 1 nafar sud tomonidan belgilangan cheklashlarga amal qilmagan shaxsning jazosi og‘irroq turdagi jazo bilan almashtirildi.
A.To‘rayev,
Viloyat prokurorining katta yordamchisi
U.Ergashev,
Viloyat prokurorining yordamchisi
