Mamlakatimizda aholining ijtimoiy himoyaga muhtoj qatlamini moddiy va ma’naviy qo‘llab-quvvatlash, jamiyatda o‘zaro mehr-oqibat, hamjihatlik va xayr-saxovat muhitini yanada mustahkamlash borasida keng ko‘lamli ishlar amalga oshirilmoqda. Xususan, Prezidentimiz ta’kidlagan “Inson qadri uchun” tamoyili asosida davlat organlari rahbar-xodimlari, saxovatpesha tadbirkorlar tomonidan “mahallabay” va “xonadonbay” olib borilgan o‘rganishlari natijasida aholining iqtisodiy-ijtimoiy muammolari ham hal etilmoqda.
Muzrabot tumani “Mustaqillik” mahallasida joylashgan “Koshona” to‘yxonasida kam ta’minlangan, ijtimoiy himoya reyestrida ro‘yxatda turuvchi oilalarning 15 nafar farzandining sunnat to‘yi o‘tkazildi. To‘yda bolalarning ota-onalari, qarindosh-urug‘lari, mahalla faollari, mehnat faxriylari va keng jamoatchilik vakillari ishtirok etdi.
To‘y bolalarning har biriga bosh-oyoq sarpo va sovg‘alar topshirildi. Tadbirda hozir bo‘lgan nuroniylar el-yurtga tinchlik-xotirjamlik, Vatan obodligi, xalqimiz farovonligini tilab, duoga qo‘l ochdilar. San’atkorlarning navolari davraga o‘zgacha fayz, bolajonlar va ularning yaqinlariga olam-olam zavq bag‘ishladi.
Sunnat to‘ylari o‘tkazildi
Date:
Tavsiya qilamizRelated
Estafeta Qashqadaryoga topshirildi
Maktabgacha va maktab ta’limi vazirligi tashabbusi bilan o‘quvchi yoshlar...
Manguzardagi o‘yingoh ta’mirlanadi
Ijtimoiy sohani rivojlantirish doirasida ta’lim muassasalari imkoniyatlaridan samarali foydalanish,...
“Armiya va xalq – bir tanu bir jon!
Ana shunday ezgu g‘oyani o‘zida mujassam etgan navbatdagi ma’naviy-ma’rifiy...
Qishga tayyorgarlik qizg‘in
Sariosiyo tuman hokimi Abduqodir Donayev boshchiligidagi ishchi guruh tumandagi...
