Talabalarning nazariy bilimlarini amaliyotda mustah-kamlash, kasbiy faoliyatga tayyorlash darajasi va sifatini oshirish maqsadida Termiz davlat pedagogika instituti talabalari umumta’lim maktablarida 15 haftalik amaliyotni o‘tashmoqda.
Amaliyot jarayoni esa institutning malakaviy amaliyot rahbarlari tomonidan nazoratga olingan. Ushbu amaliyot talabalarga nazariy bilimlarni amaliyotda qo‘llash, ularning pedagogik va huquqiy ko‘nikmalarini rivojlantirish, shuningdek, yosh avlodga milliy g‘oya va ma’naviyat asoslarini singdirishni maqsad qilgani bilan ahamiyatlidir. Milliy g‘oya va ma’naviyat asoslari bo‘yicha o‘quvchilarga yurtimizning tarixiy, madaniy va ma’naviy merosini yetkazish, ularni mustaqil fikrlashga, adolatli va halol bo‘lishga undashdi. Bundan tashqari, huquqiy muammolarni hal qilish, o‘quvchilarga huquqiy yordam ko‘rsatish, shuningdek, pedagogik jarayonlarni tahlil qilish va takomillashtirish bo‘yicha masalalar bilan shug‘ullanishdi. Yakunda amaliyotchilar o‘zlarining pedagogik va huquqiy ko‘nikmalarini baholash imkoniyatiga ega bo‘ldilar. Ular o‘quvchilarga ta’lim berishda o‘z bilimlarini samarali qo‘llash, guruh ishlarini boshqarish va ijtimoiy masalalarni hal qilishda o‘zlarini sinashdi. Bu esa yoshlarning pedagogik va huquqiy kompetensiyalarini yanada shakllantirib, mustahkamlanishiga xizmat qilayotir.Talabalarning malakaviy amaliyoti ularning pedagogik va huquqiy faoliyatga tayyorligini oshirishda, shuningdek, milliy g‘oya va ma’naviyat asoslarini targ‘ib qilishda muhim rol o‘ynaydi. Ularning shaxsiy va professional rivojlanishiga yordam beradi.
N.Ismoilov,
A.Xo‘janazarov,
Termiz davlat pedagogika instituti o‘qituvchilari
