Soliqdan qochib…

Yaqinda kiyim-kechak do‘koniga kirib, xaridni amalga oshirganimdan so‘ng, kassada terminal ishlamayotganini aytib, to‘lovni ilova orqali to‘lashim mumkinligini aytishdi. Aslida bu solish to‘lashdan qochishning bir turidir. Afsuski, bu holatga xaridorlar e’tibor beravermaydi.
Mana shunday holatlarning oldini olish maqsadida soliq organlari tekshirish ishlarini olib borishmoqda. Bitta kartaga haddan ziyod ketma-ket pul tushirilgan boʻlsa, holat soliqdan qochish deya baholanadi va oʻsha tushgan summaning 10 foizi jarima sifatida korxonaga yoziladi. Soliqdan qochib, bir-ikki so‘m foyda qilmoqchi bo‘lganlarning jarima to‘lashlari, yomg‘irdan qochib, do‘lga tutilishdek gap.