“Siz qonunni bilasizmi?” “Yangi tahrirdagi Konstitutsiya bilan tanishib chiqdingizmi?” Ayni savollar ko‘pchilikni esankiratib qo‘yishi aniq. Ammo har birimiz mana shu davlatning fuqarosi sifatida qonunlarni yaxshi bilishimiz, davlat qomusidan xabardor bo‘lmog‘imiz lozim. Aks holda huquqlarimizni ham, imtiyozlarimizni ham bilmaymiz. Nimaga haqli ekanimiz, nima esa yo‘q, bu bizga qorong‘uligicha qolaveradi.
“Targ‘ibot poyezdi” loyihasi ishtirokchilari tomonidan Termiz shahridagi viloyat yuridik texnikumi talabalari uchun targ‘ibot tadbiri o‘tkazildi. Tadbir Konstitutsiyaning mazmun-mohiyati atroflicha tushuntirilib, qiziqarli viktorinalar o‘tkazilib, ishtirokchilarga esdalik sovg‘alari topshirildi. Shuningdek, Konstitutsiyaning mazmun-mohiyati aks ettirilgan flayerlar hamda Yangi tahrirdagi Konstitutsiya kitoblari tarqatildi.
