Hududlarga tashrif Termiz tumanida davom etdi

Surxondaryo viloyati hokimi Ulug‘bek Qosimov hududlarga tashrifini Termiz tumanida davom ettirib, “Yangi O‘zbekiston” massivida turar joylar qurilishi bilan tanishdi. Tuman rahbarlari amalga oshirilayotgan ishlar hamda hududda infratuzilmani yaxshilash bo‘yicha kelgusidagi rejalar haqida axborot berdi.
Shundan so‘ng, viloyat rahbari Sherobod tumani Qorabog‘ mahallasiga tashrif buyurib, aholi turmush sharoitlarini yaxshilash maqsadida hududda amalga oshirilayotgan ishlar bilan tanishdi. Mahallada infratuzilmani yaxshilash, kommunal xizmatlar sifatini oshirish maqsadida yo‘llarni asfaltlash, elektr ustunlarini yangilash kabi tadbirlar amalga oshirilmoqda.
Nuroniylar viloyat rahbari bilan suhbatda Prezidentimizning chekka qishloq aholisining turmush sharoitlarini yaxshilashga qaratayotgan e’tiborlari uchun minnatdorchilik bildirib, yurt tinchligi va osoyishtaligini so‘rab duoga qo‘l ochishdi.