Aliment puli oldindan to‘landi

Majburiy ijro byurosi Denov tuman bo‘limi ish yurituvida bo‘lgan Fuqarolik ishlari bo‘yicha sud organining 2019-yil iyun oyidagi sud buyrug‘iga asosan Normurod Misirovdan sobiq turmush o‘rtog‘i foydasiga voyaga yetmagan bir nafar farzandlarining moddiy ta’minoti uchun aliment undirish to‘g‘risidagi ijro hujjati muddatidan oldin tugatildi.
Davlat ijrochisi F.Eshqobilov tomonidan oila vakillarining murojaatiga asosan voyaga yetmagan farzandining 18 yoshgacha bo‘lgan aliment miqdori oldindan hisoblab berildi hamda aliment to‘lovchi qarzdor ota o‘z tashabbusi bilan farzandining moddiy ta’minoti uchun turmush o‘rtog‘i bilan o‘zaro kelishgan holda 46 million so‘m aliment to‘lovini oldindan naqd pulda to‘lab berdi.
Shundan so‘ng, aliment undirish to‘g‘risidagi ijro hujjati undiruvchining arizasiga asosan qarzdorga nisbatan qo‘llanilgan barcha cheklov choralari bekor qilinib, ish yurituvdan tugatildi.