Gul yetishtirib…

Ko‘chaga chiqishimiz bilan yo‘l yoqalab ekilgan turfa rangdagi gullar qishin-yozin bahri dilimizni ochadi. Albatta, gulchilarimiz yilning to‘rt faslida ham mavsumga chidamli gullarni yetishtirib berayotganliklar o‘zlari uchun daromad manbai bo‘lsa, aholi uchun estetik zavq bag‘ishlayapti.
Gul ko‘chatlari yetishtirish bo‘yicha o‘ziga xos tajriba to‘plagan Sho‘rchi tumanilik Gulsara Eshimova ko‘p yillardan buyon gulchilik bilan shug‘ullanadi. 3,5 sotixlik issiqxonasida 15 turdagi gullarni parvarish qilmoqda.
– Qariyb 15 yildan buyon gulchilik bilan shug‘ullanaman, – deydi G.Eshimova. – Oilamiz bilan xonadonimizdagi issiqxonada o‘sayotgan gullarni mehr bilan parvarish qilyapmiz. Bilasizmi, gul ham so‘zlaydi. Sizga tabassum qiladi. E’tibor bersangiz o‘z tilida shifirlaydi. Gullarga e’tibor paravarish kerak. Tuprog‘ining yumshoqligiga ahamiyat qaratish kerak. Qatqaloq bo‘lib qolmasligi zarur. Gullar bilan suhbatlashish, e’tibor ko‘satish kerak. Inson mehnat qilsagina natijaga erishadi
Darhaqiqat, tabiatga oshnolik, atrof-olam, ekologiyaga ko‘rsatilgan e’tibor kishilarni doimo ezgulikka, farovonlikka, mehr-muhabbatga chorlaydi.