Polvonlarimiz bo‘sh kelmadi

Chempion bo‘lish oson emas. To‘g‘ri, eng yuqori pog‘onaga ko‘tarilish sportchiga g‘urur va iftixor tuyg‘usini baxsh etadi. Ammo bungacha bo‘lgan yo‘l mashaqqatlidir. Tinimsiz tayyorgarlik, izlanish, o‘z ustida ishlab, toblanish polvonni polvon qilib tarbiyalaydi. Ana shundan keyin mardi maydon bo‘lib, nom qozonadi.Toshkentdagi “Universal” sport saroyi sport kurashlari bo‘yicha O‘zbekiston chempionatiga mezbonlik qildi. Chempionatning erkin kurash bahslarida ishtirok etgan sportchilar o‘zlarining kuch va mahoratlarini namoyish etdilar. Kurash qizg‘in va murosasiz o‘tdi.Jarqo‘rg‘on tuman sport maktabining sportchilari ham bo‘sh kelishmadi, balki sovrindorlar qatoridan joy oldilar. 57 kilogramm vaznda Qarshi Usmonov 2-, 125 kilogramm vazn toifasida esa Namoz Abdurashidov 3-o‘rinni qo‘lga kiritdilar.