Tuman ko‘rkiga ko‘rk qo‘shib…

Bandixon tumanida avtomobil yo‘llarini loyihalashtirish, qurish, rekonstruksiya qilish va kapital ta’mirlash, shuningdek, yo‘l-qurilish ishlarini texnik nazorat qilish bo‘yicha juda ko‘plab ishlar amalga oshirilayotir. Ayni vaqtda Bandixon tumani “Bektepa” va “Bandixon” mahallalari hududidan o‘tuvchi 4R-100 avtomobil yo‘lining 106-108 kilometr qismlarida ikkinchi qavat asfalt yotqizish ishlari olib borilmoqda.
Yo‘llar ravonligi har bir yo‘lovchining hech bir qiyinchiliksiz manzilga yetkazishga xizmat qilayotir. Qolaversa, ushbu yo‘llarga yo‘l chiziqlarini to‘liq chizib tugatish maqsadida tuman hududida maxsus texnikalar yordamida yo‘l bo‘yini tozalash ishlari amalga oshirilmoqda. Bunday o‘zgarishlar esa tuman ko‘rkiga yanada ko‘rk qo‘shadi.