Og‘ir atletikachilar kurashdi

Xabar berganimizdek, “Kurash” sport majmuasi zalida Termiz shahar hokimligi, viloyat sport boshqarmasi va viloyat og‘ir atletika federatsiyasi hamkorligida 2009-yilda tug‘ilgan va undan kichik yoshdagi o‘smirlar va qizlar o‘rtasida og‘ir atletika sport turi buyicha musobaqa bo‘lib o‘tdi.
Qizg‘in kurashlarga boy bo‘lgan musobaqada 150 nafardan ortiq yosh og‘ir atletikachilar g‘oliblik uchun bellashib, o‘z mahoratlarini sinovdan o‘tkazishdi.
Quvonarlisi, ushbu sport musobaqasida og‘ir atletika sport turi bo‘yicha Olimpiada chempioni va sovrindori Akbar Jo‘rayevning ishtirok etganligi yosh sportchilarda katta taassurot qoldirib, ularning ushbu sportga bo‘lgan qiziqishlarini yanada oshirdi.
Musobaqa yakunida g‘oliblar medal, diplom va qimmatbaho sovg‘alar bilan taqdirlandilar.