Aholi qulay uy-joylar bilan ta’minlanadi

Surxondaryo viloyati hokimi Ulug‘bek Qosimov Termiz, Angor va Sariosiyo tumanlariga tashrif buyurib, “Yangi O‘zbekiston” massivlarida amalga oshirilayotgan qurilish ishlarini ko‘zdan kechirdi. Ushbu massivlarda ko‘p qavatli turar joylar hamda ijtimoiy soha obyektlarini barpo etish, kommunal xizmatlar bilan ta’minlash ishlari olib borilmoqda.Shuningdek, Prezidentimizning “2024-yilda ipoteka kreditlarini ajratish mexanizmlarini takomillashtirish va aholining uy-joy sharoitlarini yaxshilashga oid qo‘shimcha chora-tadbirlar to‘g‘risida”gi Farmoni ijrosi yuzasidan olib borilayotgan ishlar muhokama qilindi. Farmonga muvofiq, mutasaddilar viloyatda “Yangi O‘zbekiston” massivlarini kengaytirish, zamonaviy ko‘p qavatli uylar qurilishini jadallashtirish va ipoteka kreditlari bozorini rivojlantirish maqsadida banklar tomonidan ajratilgan kreditlarni qayta moliyalashtirish borasidagi ishlar yuzasidan axborot berdi.Mazkur tashabbuslar aholini zamonaviy va qulay uy-joy bilan ta’minlash hamda turmush sharoitlarini yaxshilashga xizmat qiladi.