G‘oliblik Xidirovlar oilasiga nasib etdi

Yurtimizda kitob targ‘iboti yaxshi yo‘lga qo‘yilgan. Kitobxonlik tadbirlari, kechalari-yu, ko‘rik-tanlovlar kitobxonlarni kashf etayotir. Quvonarlisi, bu targ‘ibot nafaqat kitobxon yoshlar sonini ortishiga, balki kattalarni, ota-onalarni ham mutolaaga oshno etayotir. Bu esa eng to‘g‘ri yo‘ldir. Sababi farzandlar ota-onasidan o‘rnak olishadi. Shunday ekan, kitobxon ota-onaning o‘g‘il-qizlari ham kitobxon, ma’naviyatli bo‘lib kamolotga yetadi.
Termiz shahrida kitobxon oilalarni yuzaga chiqarish uchun “Yosh kitobxon oila” ko‘rik-tanlovi bo‘lib o‘tayotir. An’ana tusini olgan tanlovning yildan yilga ishtirokchilari soni ortib bormoqda. Bu kitobxonlar safi oshayotganidan darak. Ko‘rik-tanlovning viloyat bosqichi murosasiz kechdi. Ishtirokchilar har bir shartda o‘z mahoratlarini namoyish etib, bilim va iqtidorlarini, nechog‘lik kitobxon ekanini ko‘rsata oldilar.
Bir necha yilki, g‘oliblikni bermay kelayotgan Termiz shahrilik Xidirovlar oilasi birinchi o‘ringa munosib ko‘rildi.