Ma’lumki, yurtimizda yoshlarga qaratilayotgan g‘amxo‘rlik va keng imkoniyatlar natijasida ularning bandligi ta’minlanayotir, qiziqish va talablariga binoan munosib qo‘llab-quvvatlanayotir. Jumladan, Termiz tumanida yoshlarning muammolarini tinglash, taklif va tashabbuslarini o‘rganish hamda ularga ko‘mak ko‘rsatish, bandligini ta’minlash bo‘yicha tizimli ishlar amalga oshirilib kelinmoqda.
Tuman prokurorining o‘rinbosari Sherzod To‘raqulov va mutasaddilar probatsiya guruhi ro‘yxatida turgan yoshlar bilan uchrashuv o‘tkazib, yoshlarning murojaatlari tinglandi hamda bandligini ta’minlash bo‘yicha chora-tadbirlar belgilandi. Jumladan, ikki nafar yoshning bandligi ta’minlandi.
Prokuror o‘rinbosari yoshlarga probatsiya hisobida vaqtida amal qilish lozim bo‘lgan majburiyatlar, ularni bajarish tartiblarini yana bir bora tushuntirib, qayta jinoyat sodir etmaslik, sog‘lom hayot tarzi kechirish lozimligini ta’kidlab o‘tdi.
D.Mahmudova
