Yo‘llarning tekislanishi inson hayotining xavsizligi garovidir. Bundan tashqari, kishi manzilini yaqin qilishda ham muhim ahamiyatga ega desak mubolag‘a bo‘lmaydi. Ayniqsa, qish mavsumida yog‘ingarchilik sabab, ko‘chalarimizda cho‘kkan joylarida ancha vaqtgacha yomg‘ir suvi to‘planib, loy, botqoqlik bo‘lib ust-boshimizga sachragani ko‘ngilni xira qiladi.
Endilikda, ana shunday ko‘ngilxiraliklar bartaraf etilib, aholi turmush farovonligini o‘ylagan holda qilinayotgan islohotlar mahalla ahlini quvontirayotir. Ravon yo‘llar xalqimizni obod manzillar sari eltuvchi, aholining og‘irini yengil qiluvchidir. Qumqo‘rg‘on tumanidagi “Yangi avlod” mahallasidagi “Ot chopar”, “Hur vatan” ko‘chalarida, “Bobotog‘” mahallasidagi Obod diyor ko‘chasida hamda “Paxtaobod” mahallasining markaziy ko‘chasida toshlash, tekislash hamda asfatlash ishlari olib borilmoqda.
Mahallada istoqomat qiluvchi aholining turmush tarzi yaxshilanib, ko‘chalar obod va ko‘rkamlashmoqda.
Dinara Mahmudova
