Egarchida “Uychi” tajribasi

Sho‘rchiliklar yerdan unumli foydalanib, yilda bir necha bor hosil olish tajribasiga ega. Ular ekkan takroriy ekinlar esa allaqachon unib chiqqani fikrlarimiz nechog‘lik to‘g‘ri ekanini isbotlaganday bo‘ladi. Tumandagi Egarchi mahallasida dehqonchilik qilish niyatida bo‘lgan yoshlarga g‘alladan bo‘shagan yer maydonlari ajratib berilishi natijasida bandligi ta’minlandi.
Shu yerlik Guljahon Hasanova dehqonchilik qilish istagida o‘zi uchun ajratib berilgan yer maydonlaridan samarali foydalanmoqda. Ajratilgan yer maydonining bir qismiga mosh, yana bir qismiga bulg‘or qalampiri ekkan. Guljahon aslo yolg‘iz emas, oila a’zolari ham yaqin ko‘makchi. Mehnati ortidan 10-15 million so‘m daromad olishni mo‘ljallayotgan Guljahonning mehnati tengdoshlariga eng yaxshi o‘rnak va namuna bo‘lmoqda.